مسكات

عنوان غريب شوي ..

الصراحه ما ادري وش الاسبوع الي مر علي

اول شي

تعطلت سيارتي ونا جاي من الاستراحه

وقفتها ومن بكره اخذت سياره واحد من اخوياي لاجل استخدمها ورحت اجيب قطع غيار

وصار لي حادث ونا جاي من محلات قطع الغيار   بسياره خويي  .. بس ا لحمد الله ماكان الخطاء علي

جبت قطع  غيار وصلحت سيارتي

 يوم الاربعاء ونا رايح للعمل صار لي حادث بالسياره ..:(

والحمد الله ماجاني شي , بس السياره راحت فيها شوي

وبعدها رحت للصناعية لاجل اسوي تسعيره لتكاليف الحادث لاجل ارفع الاوراق للشركة التأمين

ضاعت استماره السياره

استاجرت سياره ..

وصدمت فيها

وركبت مع واحد وضاعت الرخصه

وانتهى الاسبوع على ثلاث حوادث وتعطل السياره وضياع الاستماره والرخصه

مو اقوكم اسبوع مدري

من افضل الزيارات الي رحت لها في مدينه الخبر

مركز الامير سلطان للعلوم والتقنية … مركز تعليمي ترفيهي شبه متكامل لاينقصه غير السماح بوقت اطول <<<ناوي يسكن فيه…..
اغلب العلوم التقنية التي يمكن محاكاتها وتجربتها ومعرفة طريقه عملها ..هناك الكثير الذي يصعب وصفه.. من بدء الكرة الارضية لحد علوم الفضاء وباطن الارض ..

بحق مركز يستحق الزياره اكثر من مره لمن هم يحبون المعرفة بتفاصيل اكثر دقه وتجربة عن قرب
تجربه الزلازل وامساك الاعاصير وتشكل الرمال بقوه الرياح … القوه الكهربائية وتجربه قياده الطياره الهوائية …
من المواقف الي صادقتني به المسئول عن قسم الفضاء والمركبات الفضائية . بعد ما سالته عن مصدر الطاقة في الاقمار وذا كانت الخلايا الشمسية كيف يتم تخزينها .. وحجم الخلايا الشمسية ..اخر شي قالي يابن الحلال انا لسه طالب ومعلوماتي على قدي يعني يابن الحلال اقلب وجهك لا تشغلني بشي ما عرفه

بس نصيحة لكل من راح الشرقية لازم يزوره

… موقع المركز .. كورنيش الخبر